Të paktën 25 persona kanë humbur jetën pasi një autobusi që po i transportonte në një dasmë, ka shpërthyer në flakë në shtetin perëndimor të Indisë, Maharashtra.
Baburao Mahamuni, Zëvendës Mbikëqyrësi i Policisë në Buldhana, tha se incidenti kishte ndodhur në autostradën Samruddhi Mahamarg.
Mahamuni tha se të plagosurit po dërgoheshin në Spitalin Civil të Buldhanës.
Policia beson se autobusi u rrëzua për shkak të shiut rreth orës 2 të mëngjesit dhe rezervuari me naftë më pas mori flakë.
Kryeministri i Maharashtrës, Eknath Shinde përmes një postimi në Tëitter shprehu ngushëllime dhe ofroi kompensim për të afërmit e të ndjerit.
Ai tha se Fondi i Ndihmës së Kryeministrit do të sigurojë rreth 6,000 dollarë për familjet e çdo personi të vrarë “në këtë incident fatkeq”.
Top Channel