Virgin Galactic ka përfunduar fluturimin e parë komercial në hapësirë. “Galactic 01” mbajti një ekuipazh prej gjashtë vetësh në fluturimin e tij afërsisht 90-minutësh në skajin e hapësirës.
Një raketë u lëshua nga një aeroplan në rreth 15 mijë e 240 m lartësi, motori i saj më pas u ndez dhe e dërgoi atë në një ngjitje pothuajse vertikale në rreth 50 milje mbi Tokë.
Ekuipazhi përfshinte tre anëtarë nga Italia, dy kolonelë italianë të forcave ajrore dhe një inxhinier i hapësirës ajrore nga Këshilli Kombëtar i Kërkimeve të Italisë, si dhe instruktorin e tyre Virgin Galactic dhe dy pilotët e aeroplanit.
Fluturimi, nga Spaceport America në New Mexico, ishte në mision kërkimor dhe ekuipazhi duhej të kryente 13 eksperimente kërkimore shkencore. Pasagjerët shpalosën një flamur italian, për të shënuar 100 vjetorin e forcave ajrore italiane, pasi arritën një gjendje pa forcë rëndese. Më pas ata u kthehyen në vendet e tyre para se të zbrisnin përsëri drejt Tokës.
Anija kozmike VSS Unity u rikthye në mënyrë të sigurtë në pistë pasditen e kësaj të enjte, rreth orës 15:45, ndërsa Virgin Galactic shkroi në Twitter: “Mirë se erdhe përsëri në Tokë, #Galactic01! Pilotët, ekuipazhi dhe anija kozmike u ulën pa probleme.”
“Galactic 01” është fluturimi i parë komercial i Virgin Galactic, megjithëse këtë herë ai nuk kishte turistë në bord. Një fluturim i ardhshëm në gusht do të sjellë klientë që paguajnë. Virgin Galactic tha se fluturimi i saj i parë komercial në hapësirë përfaqëson një epokë të re në misionet kërkimore të financuara nga qeveria.
Kompania ka punuar për vite të tëra për të dërguar pasagjerë me pagesë në udhëtime të shkurtra hapësinore dhe në vitin 2021 më në fund fitoi miratimin e qeverisë federale dhe përfundoi “luftën” e saj testuese në maj. Fluturimi hapësinor mblodhi të dhëna përmes ngarkesave dhe sensorëve të veshur, dhe ngarkesave autonome të montuara në kabinë.
Nisja vjen një muaj pasi Virgin Orbit i Sir Richard-it njoftoi se po ndalonte operacionet pas një dështimi të misionit në Mbretërinë e Bashkuar. Nëse gjithçka shkon mirë, Virgin Galactic thotë se do të fluturojë përsëri në fillim të gushtit, me fluturime mujore më pas.
Kompania tha se tashmë ka rezervuar një numër prej rreth 800 klientësh për udhëtim në hapësirë, duke i tarifuar nga 250,000 në 450,000 dollarë për vend.
Top Channel