Kryeministri i Shqipërisë, Edi Rama ka uruar Rexhep Taip Erdogan për fitoren e mandatit të tretë presidencial.
Në një postim që ka bërë në rrjetet sociale, Rama shkruan: Urime për fitoren Zoti President
Këtë të diel Erdogan shpalli fitore përballë rivalit të tij, Kemal Kiliçdaroglu.
Ashtu siç pritej, gara mes dy kandidatëve ka qenë mjaft e fortë dhe kjo tregohet edhe nga diferenca e ngushtë mes tyre në rezultatin përfundimtar.
Pas shpalljes së fitores Erdogan ka mbajtur fjalimin e tij të parë duke falënderuar të gjithë qytetarët të cilët i besuan dhe e votuan.