Shqipëria nis implementimin e marrëveshjes për transferimin e të burgosurve shqiptarë nga Britania.
Kështu, 200 të burgosur shqiptarë në burgjet e Anglisë dhe Uells që vuajnë dënime prej katër vjetësh ose më shumë do të kthehen në dy vitet e ardhshme për të kryer pjesën e mbetur të dënimit në burgjet shqiptare.
“Falë marrëveshjes, pala britanike do të paguajë kostot e strehimit të të burgosurve për gjatë gjithë kohëzgjatjes së dënimit të tyre në vendin tonë dhe Shqipëria do të mund të rrisë investimet për përmirësimin e mëtejshëm të kushteve në sistemin e burgjeve”, thuhet në njoftimin e ministrisë së Drejtësisë.
Marrëveshja u nënshkruar mes kryeministrit Edi Rama dhe homologut të tij britanik, Rishi Sunak në dhjetor të vitit 2022.
