WhatsApp do t’i lejojë përdoruesit të modifikojnë mesazhet, deri në 15 minuta pas dërgimit.
Ky funksion do të vihet në dispozicion për 2 miliardë përdorues të aplikacionit WhatsApp, në javët e ardhshme.
“Nga korrigjimi i një gabimi të thjeshtë drejtshkrimor deri tek shtimi i kontekstit shtesë në një mesazh, ne jemi të ngazëllyer t’ju sjellim më shumë kontroll mbi bisedat tuaja,” tha shërbimi i mesazheve në një postim në blog të hënën, sipas BBC.
Ajo që duhet të bëni “është të mbani shtypur mesazhin e dërguar dhe të zgjidhni “Ndrysho” nga menyja deri në pesëmbëdhjetë minuta më pas,” orienton shërbimi i mesazheve.
Mesazhet e modifikuara do të etiketohen si “të redaktuara”, kështu që marrësit do të jenë të vetëdijshëm se përmbajtja është ndryshuar.
Megjithatë, atyre nuk do t’i tregohet mesazhi i pamodifikuar.
