Sekretari i Përgjithshëm i BDI-së, Faton Ahmeti, i ftuar sonte në emisionin Click Plus në TV21 duke biseduar për zhvillimet e fundit në BDI, tha se mendimi ndryshe në BDI-nuk është ndalur asnjëherë. Ai theksoi se problemi në BDI nuk është mendimi ndryshe, por veprimi ndryshe.
“Mendimi ndryshe nuk është ndalur asnjëherë në BDI. Askush nuk është sanksionuar. Në BDI ne kemi problem me veprimin ndryshe. Të mendosh ndryshe dhe të mundohesh të bindësh kolegët në kuadër të organit, që një mendim apo ide tjetër është më e mirë se e jotja, është në kuadër të demokracisë. Por në qoftë se nuk arrin t’i bindësh të tjerët, atëherë duhet të pranosh mendimin e shumicës.”- tha Ahmeti.
