Në post-Big Brother mbrëmjen e sotme ndër të tjera Luiz Ejlli ka folur edhe për Instagram-in e tij “të famshëm”, por edhe për njerëzit që gjatë rrugëtimit të tij 4-mujor në reality show, sipas tij e kanë “shfrytëzuar”, jo vetëm banorë të programit, por edhe njerëz që i ka njohur më parë e që nuk i kanë qëndruar pranë në momentet e tij më të vështira.
Kështu, sa i takon Instagram-it, në fakt këngëtari përsëriti historinë që e ka thënë edhe më parë, që ja kishte lënë porosi mikes së tij para se të bëhej pjesë e shtëpisë që ta hapte dhe në momentin kur ai profil arriti shifrat “e frikshme” që i dimë të gjithë, personi (Jurgena në këtë rast) ka menduar ta mbajë për vete që edhe të përfitojë prej tij, gjë që Luizi e quajti si “e drejta e saj’ meqë e ka hapur vetë. Megjithatë ai konfirmoi faktin që të drejtat e imazhit të tij ja la Top Channel, kur ja bënë me dije se cfarë po ndodhte jashtë dhe në momentin kur Kiara doli për herë të parë jashtë shtëpisë, është kujdesur ajo që t’i lidhë një kontratë me një menaxher për gjithcka që ka të bëjë me imazhin dhe së bashku kanë hapur dhe Instagram-in që ka tani.
Ndërkohë, në rrjedhën e këtij mendimi, ai tha që në momentin kur ka dalë jashtë ka parë që shumë persona e kanë shfrytëzuar imazhin e tij, duke folur për muaj me radhë në lidhje me të, situatat që kanë kaluar bashkë, për faktin që ka pasur miqësu me këto persona, ndërkohë që janë të njejtit që i kanë kthyer kurrizin në momentet e tij të vështira. Luizi këtu futi edhe banorë të reality-t, përfshiu njerëz që pretendojnë se e njohin, që kanë folur në emër të tij dhe shumë persona që më parë e kishin braktisur, ndërkohë sot kanë edhe guximin t’i dalin përballë, por ai e di mjaft mirë që e kanë përdorur.
Megjithatë Ejlli u shpreh se për sa kohë jemi në demokraci është e drejta e tyre ta bëjnë këtë gjë, vetëm se ai tashmë e di dhe mund të flasë vetë për vete, pa dashur të përmendë emra se cilët janë këto persona, por u shpreh se “të gjithë e dinë se kush janë”. Thumbat këtu ishin për persona që e kanë komentuar dhe kanë folur për të gjatë muajve të programit në studit televizive.
Nga ana tjetër ai tha se kishte kërkuar të kishte vetëm mikun e tij Jonin në dasmën me Kiarën, pasi ai ka qenëi vetmi që kanë kaluar edhe mometet më të lumtura dhe më të vështira bashkë dhe nuk e kanë braktisur njëri-tjetrin asnjëherë.
Opinionistët Arbër Hajdari dhe Zhaklin Lekatari e mbështetën mendimin e Luizit, që e kanë shfrytëzuar gjatë gjithë kësaj kohe, teksa thanë se e kanë shprehur këtë opinion mjaft herë gjatë Prime-ve dhe janë sulmuar për këtë, por sot ai po e sheh të vërtetën. Gjatë bisedës pati edhe akuza të Oltës ndaj Kiarës, që edhe ajo e ka shfrytëzuar Luizin gjatë kësaj kohe për ndjekës e famë, gjë që sigurisht Kiara e mohoi dhe nuk e ktheu në një debat.