Një 22-vjeçare ka braktisur foshnjen e saj në plazhin e Golemit. Foshnja është dërguar në spitalin e Durrësit, në gjendje të mirë shëndetësore, ndërsa policia ka identifikuar 22-vjeçaren dhe është vendosur në kërkim të saj.
“Specialistët për Hetimin e Krimeve në Komisariatin e Policisë Kavajë kanë referuar materialet në Prokurori dhe po punojnë për kapjen e shtetases D. S., 22 vjeçe, banuese në Durrës, pasi ditën e djeshme, në plazhin e Golemit, ka braktisur foshnjen e saj
Foshnja është dërguar në spitalin e Durrësit, në gjendje të mirë shëndetësore”, thuhet në njoftimin e policisë.
Ndërkaq, policia e Shqipërisë ka referuar rastin në prokurori për veprime të mëtejshme procedurale.
