Shakira së fundmi i tha lamtumirë Barcelonës dhe u transferua në Miami me dy djemtë e saj, Milanin dhe Sashën. Sipas raportimeve të medias argjentinase La Nacion, Shakira dhe familja e saj u detyruan të largoheshin nga shtëpia në pronësi të prindërve të këngëtares, për shkak të një letre dëbimi të lëshuar nga babai i ish-partnerit të saj.
Kjo situatë preku edhe disa nga të afërmit më të dashur të yllit. Prindërit e saj nuk janë më në Spanjë dhe u shpërngulën në Shtetet e Bashkuara për të qenë pranë vajzës së tyre në këtë fillim të ri të jetës.
Letra e dëbimit thuhet se nuk i ka pëlqyer këngëtares pasi u pa si një mënyrë e ashpër dhe e papritur për të trajtuar situatën. Shakira kishte vendosur të transferohej në Shtetet e Bashkuara më herët se sa ishte planifikuar, pasi shëndeti i babait të saj ishte përkeqësuar dhe ai kishte nevojë për trajtim që nuk e kishte në dispozicion në Barcelonë.
Një telefonatë mes Shakirës dhe Gerard Pique, pas largimit të saj nga Spanja, nuk shkoi aspak mirë dhe Pique u zemërua shumë. Një burim i afërt me këngëtaren shpjegoi se Shakira ndihej e mërzitur sepse biseda e fundit nuk ishte aspak miqësore.
Eksperienca e hidhur me familjen e Gerard Pique-s padyshim që ka bërë të vetën tek Shakira dhe familja e saj, por këngëtarja duket e etur për të nisur një kapitull të ri në jetën e saj në Miami me fëmijët e saj. Pavarësisht sfidave, ajo duket më mirë se kurrë dhe fansat e saj po presin me padurim projektin e radhës muzikor.