Visar Bekaj është padyshim nja nga protagonistët e këtij sezoni me Tiranën, me portierin bardheblu që ka ndihmuar skuadrën me pritjet e tij.
Kjo gjë ka rënë në sy edhe jashtë Shqipërisë, ku siç duket po bëhen gati oferta për të siguruar shërbimet e 25-vjeçarit.
Siç bëhet me dije, një klub nga Superliga turke ka dërguar një ofertë në zyrat e Tiranës, ndërsa Bekaj është duke e shqyrtuar mundësinë e një transferimi të mundshëm në verë.
Kujtojmë që Bekaj u shpall dhe portieri më i mirë i kampionatit për sezonin e kaluar.
/BotaSot/