Xhuliano Skuka është duke përjetuar një moment të vështirë në karrierën e tij.
Pas shpërthimit te Partizani, sulmuesi shkroi historinë në futbollin shqiptar si më i shtrenjti i shitur nga Superiorja.
Te Metz situata nuk po shkon aspak siç pritej me mungesën e hapësirës.
Trajneri Boloni ka thënë se pret më shumë nga Skuka kur thirret në apel, kërkon më tepër energji nga sulmuesi kur hyn në fushë nga stoli.
Në ndeshjet e fundit, sulmuesi po aktivizohet vetëm në minutën e 89.
Ndërkohë një prej faqeve të Metz ka shpërndarë disa statistika të Skukës, ku pyet: “Çfarë po ndodh me të?”.
9 ndeshje të zhvilluara dhe asnjëra si titullar, 0 gola dhe 0 asist, 10.2 minuta për ndeshje dhe 4.8 topa të prekur për ndeshje janë statistikat e Skukës që pas largimit nga Partizani.
/BotaSot/
