Përkujtimi për Kryengritjen e Malësisë së Madhe të vitit 1911, është bërë nga atdhetari i shquar Agron Dedivanaj, veprimtar i shquar i Shoqatës Atdhetare “Jehona e Malësisë”, i cili ka theksuar se “është kurora e lavdisë, mbi lavditë, që gjithnjë shëndrit në qiellin blu të Malësisë e Shqipërisë”.
Z. Dedivanaj ka theksuar se “epopeja e luftrave heroike në Malësinë e Madhe është një thesar brilant që mban të gjallë kujtesën e brezave të sotëm dhe atyre që do vijnë”.
Postimi i plotë:
Kryengritja e Malësisë së Madhe e vitit 1911, është kurora e lavdisë, mbi lavditë, që gjithnjë shëndrit në qiellin blu të Malësisë e Shqipërisë e na kujton se liria jonë, ndoshta si tek anjë popull tjetër në Botë, i ka themelet në gjakun e të parëve tanë.
Pa dyshim epopeja e luftrave heroike në Malësinë e Madhe është një thesar brilant që mban të gjallë kujtesën e brezave të sotëm dhe atyre që do vijnë, se çmimi i mbijetesës sonë ka qenë tepër i shtrenjtë, aq sa as nuk shitet e as nuk blihet nga askush.
