Përfaqësuesit e Sindikatave të shëndetësisë në mëngjes janë në mbledhje te ministri i Shëndetësisë, në të cilën, sipas informatave të tyre, do të bisedohet për aneksin e marrëveshjes kolektive me të cilën kërkohet korrigjimi i koeficientëve për pagesën e pagave.
“Nga Kabineti i ministrit të Shëndetësisë Fatmir Mexhiti mbrëmë na thirrën në takim për sot në orën nëntë për të biseduar në lidhje me tekstin e aneksit. Do të shohim nëse do të firmoset”, deklaroi në mëngjes për MIA-n, kryetari i Sindikatës së pavarur të Shëndetësisë, Farmacisë dhe Mbrojtjes Sociale Lubisha Karanfilovski, i cili së bashku me nënkryetarin e Sindikatës së Qendrës Klinike, Predrag Serafimovski, do të marrë pjesë në takim.
Bëhet fjalë, thekson Karanfilovski, për aneksin e panënshkruar të marrëveshjes kolektive. “Gjashtë muaj e kërkojmë këtë dhe vazhdimisht anulohet”, theksoi Karanfilovski për MIA-n.
Këshilli i Sindikatës së Pavarur të Shëndetësisë, Farmacisë dhe Mbrojtjes Sociale për sot paralajmëroi protestë para Ministrisë së Shëndetësisë.
