Në kuadër të seancës së 51-të që Kuvendi do të mbajë sot, duhet të votohet në lexim të parë Propozim Ligji për ndryshimin dhe plotësimin e Kodit Penal
Ndryshimet bëhen për shkak të nevojës për harmonizimin e dispozitave të Kodit me standardet ndërkombëtare në fusha të caktuara dhe praktikën e Gjykatës Evropiane për të Drejtat e Njeriut, si dhe për të hequr nga praktika dobësitë e konstatuara.
Kuvendi sot do të mbajë edhe vazhdimin e seancës së 71-të. Në këtë seancë duhet të shqyrtohen disa pika, duke përfshirë raportet vjetore për punën e Avokatit të Popullit, Këshillit Gjyqësor dhe Komisionit Shtetëror për Parandalimin e Korrupsionit, për vitin 2021.
