Beteja për regjistrimin për pjesëmarrje në zgjedhjet e 14 Majit, e PD të Enkelejd Alibeajt dhe Rithemelit të Sali Berishës zhvendoset në Komisionin e Ankesave dhe Sanksioneve.
Ankimimin e depozituar nga PD e Sali Berishës pas hedhjes të shortit do të ketë si relator Ilirjan Rusmali.
Do të jetë Koli Bele relator për ankimimin e Enkelejd Alibeajt.
Siç edhe Top Channel e paralajmëroi të premten, juristët e Alibeajt e dorëzuan ankimimin në KAS, të shtunën, pas vendimit të KQZ për të sjellë dokumente shtesë me firmën e Lulzim Bashës e vijuar regjistrimin për zgjedhjet e 14 Majit.
Juristët e njërës palë ngulmojnë se autorizimi lëshuar nga Lulzim Basha për Alibeajn është i vlefshëm dhe nuk ka asnjë pengesë ligjore.
Ndërsa Rithemelimi i Berishës kërkon të jetë ai përdoruesi i logos së Partisë Demokratike në këto zgjedhje.
Rikthimi nga apeli për rigjykim në Gjykatën e Tiranës, i vendimit Zhukri që i njihte Berishës vulën dhe logon, është një pengesë madhore për regjistrimin e PD të Berishës si forcë garuese e mandej të kandidatëve.
Nëse KAS do të lerë në fuqi vendimet e KQZ, saga e regjistrimit të dy PD-ve nuk mbaron me kaq.
Do të vijojë në Kolegjin Zgjedhor që formohet nga 8 gjyqtarë të gjykatës së Apelit.
Top Channel
