Në hapësirat e selisë së OH “El Hilal” në Shkup me rastin e 7 Marsit – Ditës së Mësuesit u organizua një solemnitet, me ç’rast veteranëve të arsimit iu ndanë mirënjohje, ndërkaq shkollave iu dhuruan libra.
Komisioni i arsimit të El Hilalit i përbërë nga Talat Sadiku, mr. Ali Sadiku dhe Irfan Isaku, në koordinim me kryetarin dhe me degët tjera, për sivjet vendosën që mirënjohje për kontributin e tyre për arsimimin dhe edukimin e gjeneratave të shumta të ndahen për këta pedagogë – veteranë të arsimit: prof.dr. Tahir Zajazi dhe Miradije Loki Selmani nga Shkupi, Ismail Arsllani nga Tetova, Emin Demiri nga Gostivari dhe Mexhit Jashari nga Kumanova. 📕📚📖
Donatorë të librave të dhuruar është familja e profesorit të ndjerë dr. Asllan Selmani, respektivisht bashkëshortja e tij, Miradije Loki Selmani, ndërsa një sasi janë siguruar nga Instituti i Trashëgimisë Shpirtërore të Shqiptarëve në Maqedoni. Për të gjithë këta, El Hilali shpreh falënderim të përzemërt.
