Presidentja e Komisionit Evropian, Ursula von der Leyen u prit ngrohtësisht në Shtëpinë e Bardhë nga presidenti Joe Biden në Washington.
Vizita synonte të hapte negociatat mbi planin për kreditimin e taksave për automjetet elektrike.
Një akord do të nxiste përdorimin e mineraleve të rëndësishme evropiane për prodhimin e baterive të llojit “EV” që janë subjekt i taksave amerikane përmes ligjit të Biden për energjinë e pastër.
Ursula von der Leyen, presidente e Komisionit Evropian tha se është me rëndësi që të punohet në nxitjen e industrive energjitikisht të pastra.
“Mendoj se është me rëndësi që për këtë çështje të bashkojmë forcat, pasi është jetike për të ardhmen tonë, për të luftuar ndryshimet e klimës dhe për të kufizuar ngrohjen globale. Ndaj është me rëndësi të punojmë së bashku për nxitjen e industrive energjetikisht të pastra në të dyja anët e Atlantikut”, tha Leyen, shkruan Euronews.
Marrëveshja e re do të thotë se Evropa mund heqë nga vetja barrën e të qënurit e varur nga Kina në industrinë e automjeteve elektrike.
