Zëvendësministrja e Ministrisë për Kulturë Rini dhe Sport, Daulina Osmani është takuar sot me zëvendësministrin për Arsim dhe Sport në Shqipëri, Endrit Hoxha.
Gjatë këtij takimi, u diskutua për koordinim dhe bashkëpunim të mëtutjeshëm në fushën e sportit.
Po ashtu për promovim dhe fuqizim ndërkombëtar të sportit dhe bashkërendim të aktiviteteve, përcjell Shqip.com.
Sipas njoftimit të MKRS-së, pjesë e takimit ishin edhe Presidenti i Komitetit Olimpik të Kosovës, Ismet Krasniqi, sekretari i KOK-ut, Besim Aliti, Presidenti i Komitetit Olimpik Kombëtar Shqiptar, Fidel Ylli, sekretari i përgjithshëm i KOKSH, Gerti Shima dhe Gentian Shala, sekretar koordinues i marrëdhënieve Kosovë- Shqipëri.