Ali Ahmeti me bashkëpunëtorë, përgjegjës të lartë institucional të Maqedonisë së Veriut, ka bërë homazhe dhe ka vendosur kurora me lule në Memorialin e Jasharajve në Prekaz, ka shkruar kryetari i Drenasit, Ramiz Lladrovci.
Faleminderit Abaz Gjuka me bashkëpunëtorë, Kosova nuk e harron kontributin Tuaj, ka deklaruar Lladrovci.
Postimi i Lladrovcit në instagram:
Me liderin e shqiptarëve në Maqedoninë e Veriut, Ali Ahmetin, Kryetarin e Parlamentit, Talat Xhaferin, zv. kryeministrin Artan Grubi, shefin e grupit parlamentar të BDI-së, Arbër Ademin, ministra, deputetë e sekretarë shteti, kemi bërë homazhe dhe vendosëm kurora me lule në Memorialin e Jasharajve në Prekaz.
Jemi përkulur me nderim, para sakrificës madhore të Jasharajve legjendar, duke kujtuar heroizmin e pashembullt në historinë e re për liri.
Pastaj, bashkë, kemi vendosur kurora me lule dhe kemi bërë homazhe te Memoriali i dëshmorëve në Gllanasellë, ku mysafirët vendosën kurora me lule për heronjtë e heroinën, Fehmi e Xhevë Lladrovci, Fatime Hetemi, Shefqet Zekaj dhe Asllan Fazliu.
Faleminderit Abaz Gjuka me bashkëpunëtorë, Kosova nuk e harron kontributin Tuaj!
