Dy anije që transportuan 396 shtëpi me kontejnerë për viktimat e tërmetit nga Katari mbërritën në Turqinë jugore të shtunën.
Ndërsa anijet u ankoruan në portin Iskenderun në provincën Hatay, Guvernatori i Kirklareli, Birol Ekici u tha gazetarëve se ata po bëjnë përpjekje të mëdha për të rivendosur rajonin e goditur nga tërmeti, duke theksuar mbështetjen e Katarit për Turqinë në këtë proces.
Duke vënë në dukje rëndësinë e kontejnerëve për kthimin e jetës në normalitet në rajon, Ekici tha se Katari gjithashtu ka dërguar ndihmë humanitare dhe ekipe kërkimi-shpëtimi që nga tërmetet e dyfishta të 6 shkurtit që vranë mbi 45,000 njerëz.
“Ata na kanë mbështetur gjithmonë, dua të falënderoj vëllezërit tanë nga Katari për këtë,” shtoi ai, raporton Anadolu.
I dërguari i Katarit në Ankara, Sheik Mohammed bin Nasser bin Jassim Al-Thani tha se ndihma e vendit të tij për Turqinë dhe Sirinë, do të vazhdojnë.
