Nga Driton Sinishtaj-New York
E vërteta del gjithmonë në shesh. Maskat bien dhe shfaqen fytyrat e vërteta. Një herë shërbëtor i DPS-së, gjithmonë shërbëtor i DPS-së.
Në bazë të përvojës dhe në bazë të veprimeve të deritanishme të Fatmir Gjekës, si zvarritës dhe sykofant i partisë e cila sistematikisht ushtroi presion institucional mbi shqiptarët, mund të konkludohet se çdo votë që shkon për partinë e tij, në fakt shkon në prehrin e DPS-së.
Pasi mbështeti personalisht Millo Gjukanoviçin, duke bashkëpunuar me gjithë zemër me DPS-në, duke punuar kundër popullit të tij, z. Gjeka manipuloi një rini të vërbuar me urrejtje në Malësi për të djegur disa vota sepse borxhet që duhet t’i kthejë DPS-së janë të gjata.
Edhe më parë, ne mund të shihnim se si DPS ka satelituar disa parti më të vogla me një qëllim, që është djegia e votave. Çdo votë për PD-në e Fatmir Gjekës është një votë e humbur, një votë e pakuptimtë dhe e pavlerë, një votë kundër interesave të Malësisë, një votë e djegur, një votë për Millon, një votë për DPS-në.
Ndaj, shërbëtori besnik i DPS-së, zoti Gjeka, si dhe partneri i tij i koalicionit në Tuz, u instaluan vetëm si mjeti i fundit propagandistik për të tentuar të kthejnë në pushtet DPS-në antizhvillimore dhe antishqiptare.
Prandaj votuesit e 5 marsit do të dinë të bëjnë dallimin mes votës për interesat e popullit shqiptar dhe votës për DPS-në, këtë herë të maskuar si partia e Fatmir Gjekës.