Në organizim të Auto Klubit AMTKK, në Prizren është mbajtur gara “8 Marsi – Kupa e Prizrenit”, në të cilën pjesëmarrëse ishin 12 garuese, të cilat garuan në tri klasa.
Gara ishte e karakterit festiv-revial dhe rezultati nuk ishte në plan të parë, por gjithsesi garueset treguan shkathtësitë e tyre.
Fituese e garës, në plasmanin gjeneral, doli Blerta Bytyqi e AMTKK me Audi A3.
“Fillimisht jam e kënaqur që u organizua kjo garë e natyrisht edhe për fitoren, sepse kjo ishte edhe gara e fundit për mua. Kam shumë obligime dhe nuk kam mundësi t’i përkushtohem auto sportit. Gjithsesi ëndrra ime është plotësuar. Unë jam shpallur kampione. Femrave garuese u dëshiroj shumë suksese”, ka thënë Blerta pas fitores.
Në pozitën e dytë u rendit Brunilda Gjura e Prishtina RT me Fiat Punto, ndërsa e treta doli mysafirja nga Maqedonia e Veriut, Maja Milosevska me Opel Astra.
