Vazhdon puna në përmirësimin e infrastrukturës rrugore dhe valorizimin e zonave malore në komunën tonë.
Ndërhyrja e radhës e Komunës së Tuzit është ajo në aksin rrugor Ura e Urrelës (Ura e Nikë Prëlocit) deri te Kisha në Traboin, si dhe nga kthesa në Skorraq deri te shkolla fillore ,,Bashkimi”, me gjatësi prej 7km, gjerësi 5.5m, e cila jo vetëm që përmirëson ndjeshëm lëvizjen e banorëve të kësaj zone, por edhe i jep jetë dhe gjallëri zonës malore, duke e bërë kështu potencial turistik.
Komuna sot është pasqyrë e punës dhe aftësive tona për ta transformuar për të mirë atë në çdo aspekt e në çdo drejtim, u shpreh kryetari i Komunës, Gjeloshaj në fjalën e tij drejtuar të pranishmëve, duke shtuar më tej se po e vërtetojnë edhe një herë përkushtimin dhe dedikimin e tyre në transformim e Malësisë në çdo aspekt e në çdo zonë. Ai vazhdoi me premtimin se puna për zhvillimin e saj do të vazhdojë edhe në të ardhmen, derisa zona të fitojë pamjen që meriton.
