Sot në mëngjes nuk është shpërndarë bukë nëpër markete, këtë gjë e kanë paralajmëruar dje furrtarët.
Në rafte kanë mbetur vetëm furnizimet e vjetra me bukë dhe llojet e veçanta të bukëve, njofton pressonline.mk .
Qeveria e ka ngrirë çmimin e bukës së bardhë dhe gjysmë të bardhë për 33 denarë.
Qeveria ka llogaritur se disa nga rritjet e çmimeve janë të pajustifikuara, dhe si argument plus përmendin faktin se e njëjta bukë shitet me çmime drastike të ndryshme në mbarë vendin – nga 28 deri në mbi 45 denarë. Përveç ngrirjes së çmimit të bukës, qeveria hoqi masën e subvencionimit të energjisë elektrike për industrinë ushqimore.
