Të hënën pasdite, Kombëtarja U17 e Kosovës në hendboll (vajzat) e ka luajtur ndeshjen e dytë në kuadër të Kampionatit Mesdhetar që po mbahet në Nafplio të Greqisë.
Përballë, vajzat tona e kishin Kombëtaren e Spanjës, një prej favoriteve të Mesdhetarit të 16-të.
Spanja ka fituar me rezultat 32:11, ndërsa vajzat tona, sidomos në periudhën e parë, kanë shfaqur momente të mira. Por më pas ka ardhur në shprehje edhe ngarkesa e lartë fizike e po ashtu niveli i lojtareve të Spanjës.
Periudha e parë, prej tri gjithsej, përfundoi 12:7 në të mirë të Spanjës.
Spanja e luajti ndeshjen e parë, ndërsa Kombëtarja jonë e kishte një tjetër ndeshje të vështirë në mëngjesin e së hënës, kur u përball me Kroacinë.
Nesër Kombëtarja jonë luan me Malin e Zi.
