FC Ferizaj i është rikthyer rezultateve pozitive pas një periudhe të vështirë të kaluar në pjesën e parë të kampionatit.
Në katër ndeshje të zhvilluara ka dy fitore e dy barazime. Fitorja e fundit dhe më e rëndësishmja ishte ndaj Dritës në fundjavë.
Sipas burimeve të Shqip.com brenda klubit, premiat e premtuara nga kryesia e klubit në krye me presidentin Abazi ndaj lojtarëve janë ekzekutuar gjatë ditës së sotme.
Kujtojmë se, disa orë para ndeshjes kundër Dritës, lojtarëve të Ferizajt i ishin premtuar premia speciale nga klubi në rast të fitores.
Përndryshe në aspektin financiar FC Ferizaj është ndër klubet më stabile në Kosovë, ku dallohet për korrektësinë ndaj lojtarëve sa i përket ekzekutimit të rrogave.
Në luftën për të siguruar mbijetesën në Superligë, Ferizaj në fundjavë udhëton për në Drenicë, ndeshje direkte ndaj një kundërshtari të papërshtatshëm.
