Sergio Aguero mund të ketë dhënë informacione “aksidentale” për klubin e ardhshëm të Lionel Messit.
Aguero ka qenë miku më i mirë i Messit që kur ata luajtën për skuadrat e të rinjve të Argjentinës dhe dyshja kanë qenë në kontakt të vazhdueshëm.
Por rekordmeni i Manchester Cityt mund të ketë prishur planet e Messit për të ardhmen në një intervistë të fundi.
Aguero pretendon se fituesi i Kupës së Botës po mendon të kthehet në klubin e tij të fëmijërisë.
“Ai po mendon seriozisht të luajë për Newells Old Boys”, tha Aguero për UOL.
Ndërsa, ish-lojtari i Argjentinës dhe Liverpoolit, Maxi Rodriguez, duhej të ndërhynte përpara se Aguero të zbulonte shumë, duke thënë: “Kun është Kun. Ai nuk mund të heshtë. Le të shohim. Është e vështirë të flitet për këtë, sepse po krijohet një lëmsh gjigant thashethemesh. Le të presim dhe të shohim se çfarë do të ndodhë”.