Ramush Ramadani është një nga futbollistët më të mirë të Ferizajt dhe një nga të rinjtë më të mirë në Kosovë.
Por mesfushori ofensivë kohëve të fundi nuk ka qenë në formën më të mirë dhe në ndeshjen ndaj Malishevës humbi një rast të artë për t’i siguruar tre pikët Ferizajt.
Kjo ka bërë që shumë tifozë ta ofendojnë atë, por presidenti i Ferizajt, Lulzim Abazi ka bërë një gjest të mirë duke i dalë publikisht në mbrojtje yllit të skuadrës.
Abazi ka kërkuar nga tifozët që t’i ndalojnë ofendimet ndaj djaloshit dhe ta përkrahin pasi projekti i Ferizajt sillet rreth lojtarit me numër 11.
