Jose Mourinho mund të rikthehet te Chelsea në Angli.
Milionat e shpenzuara në dy afatet kalimtare të një sezoni, nuk e kanë ngritur Chelsean në pozicionin ku pritej.
Trajneri aktual, Graham Potter nuk e ka të sigurt qëndrimin në Londër, pasi në pesë ndeshjet e fundit në ligën angleze, kanë arritur të marrin vetëm një fitore, tre barazime dhe një humbje, ku më e frikshmja është se kanë arritur të shënojnë vetëm një gol.
Sipas gazetës italiane “Gazzetta.it”, nëse Jose Mourinho do të largohej nga Roma në fund të sezonit, Chelsea do ta konsideronte të parin në listë portugezin për t’u rikthyer në stolin e ekipit të tyre.