Të mërkurën në Gjakovë grumbullohen hendbollistet e Kosovës U17 në hendboll.
Kosova merr pjesë në Kampionatin e 16-të Mesdhetarë që mbahet në Greqi prej 26 shkurtit deri më 5 mars, njofton Federata e Hendbollit e Kosovës, shkruan Shqip.com.
Kryetrajneri i “Dardaneve” U17, Mitat Ferati, më herët ka shpallur listën e lojtareve në të cilat llogaritë.
Mesdhetari vlerësohet garë e fortë, ndërsa synim i Kosovës është zhvillimi i mëtejmë. Ky do të jetë grumbullimi i tretë i kësaj gjenerate.
Algjeria, Kroacia, Greqia, Italia, Mali i Zi, Rumania, Spanja, Tunizia dhe Turqia janë kombëtaret tjera pjesëmarrëse.
Pas disa ditë përgatitje në Gjakovë, Kosova udhëton për në Greqi.
