Sot Shtetet e Bashkuara kanë njoftuar se po ndajnë një ndihmë shtesë prej 100 milionë dollarësh në përgjigje të tërmetit shkatërrues në Turqi dhe Siri.
Presidenti Biden synon të autorizojë 50 milionë dollarë në Fondet e Ndihmës Emergjente për Refugjatët dhe Migracionin (ERMA).
Përveç fondeve të ERMA-s, Shtetet e Bashkuara po japin gjithashtu 50 milionë dollarë shtesë në ndihmë humanitare përmes Departamentit të Shtetit dhe USAID-it.
Kjo do të sjellë ndihmën e përgjithshme humanitare të SHBA për të mbështetur përgjigjen ndaj tërmetit në 185 milionë dollarë.
Kjo ndihmë humanitare do të synojë popullatat e cenueshme të prekura nga tërmeti në Turqi dhe Siri dhe do të jetë në dispozicion për të mbështetur organizatat ndërkombëtare dhe joqeveritare që ofrojnë ndihmë.
Shtetet e Bashkuara do të vazhdojnë të punojnë me komunitetin ndërkombëtar për të ofruar ndihmë shpëtimi për zonat e prekura nga tërmeti raporton DASH.