Njerëzit mund të kenë nevojë për më shumë gjumë gjatë dimrit, sipas një studimi që do të jetë një ngushëllim për ata që luftojnë të ngrihen nga shtrati gjatë muajve të ftohtë.
Një ekip shkencëtarësh të udhëhequr nga Aileen Seidler në Universitetin Mjekësor Charite të Berlinit zbuluan se njerëzit përjetojnë gjumë më të gjatë REM (lëvizje të shpejtë të syve) në dimër sesa në verë.
Pjesëmarrësit e studimit ishin në një mjedis urban me nivele të larta të ndotjes nga drita dhe nivele të ulëta të dritës natyrore – faktorë që prishin orën cirkadiane të trupit.
Megjithatë, gjumi i tyre REM u zbulua se ishte 30 minuta më i gjatë në dimër sesa në verë.
Shkencëtarët thanë se rezultatet duhet të përsëriten te njerëzit që nuk kanë vështirësi për të fjetur, por ndryshimet sezonale mund të jenë edhe më të mëdha në një popullatë me gjumë të shëndetshëm.
Studimi tha: “Për shumë njerëz, koha për t’u zgjuar kontrollohet më fort nga orët e punës së punëdhënësit ose orari i shkollës sesa nga ora e tyre e brendshme. Përshtatja e orarit të gjumit, mund të kontrollohet vetëm duke zgjedhur kohën për të shkuar në shtrat. Megjithatë, mbajtja e së njëjtës kohë rekomandohet gjerësisht dhe shpesh zbatohet te fëmijët. Gjetjet tona sugjerojnë se përmirësimet mund të bëhen duke llogaritur nevojën e shtuar për gjumë në dimër, duke shkuar në shtrat më herët.”
Gjumi REM luan një rol të rëndësishëm në ëndërrimin, kujtesën, përpunimin emocional dhe zhvillimin e shëndetshëm të trurit.
Por, ndërsa orët e trupit tonë vendosen nga dielli, ndryshimi i gjatësisë së ditëve dhe ekspozimi ndaj dritës gjatë një viti mund të ndikojnë në kohëzgjatjen dhe cilësinë e gjumit.
Top Channel