Amir Rrahmani është shndërruar në futbollist shumë të rëndësishëm te Napoli. Kapiteni fantastik i Kosovës, së fundi ka pranuar një dhuratë nga anëtari i Chelseas, Kalidou Koulibaly.
Ai nuk e ka harruar Rrahmanin. Deri këtë sezon kanë luajtur për dy sezone së bashku. Mbrojtësi senegalez ia dërgoi fanellën e tij të Chelseas me nënshkrimin gjithashtu të tij.
Rrahmani u duk shumë i entuziazmuar me këtë dhuratë të pranuar nga ish-shoku i tij i skuadrës, me ç’rast shfrytëzoi rastin që përmes Instagramit ta falënderojë duke shkruar “Faleminderit vëlla”.
