Dy tërmete të fuqishme goditën para pak ditësh Turqinë, duke shkaktuar mbi 30 mijë viktima. Mesfushori turk i Interit, Calhanoglu ka dërguar një mesazh motivimi për vendin e tij, gjithashtu nuk la pa falënderuar edhe shokët e skuadrës për mbështetjen.
“Falënderoj të gjithë shokët e ekipit dhe familjen e Interit që më kanë qëndruar pranë, kam marrë shumë mesazhe nga tifozët. Patëm një tërmet shumë të fortë, duke parë imazhe të caktuara. Nuk ishte e lehtë. Ne po bëjmë gjithçka për t’i ndihmuar këta njerëz, duhet të bëhemi të fortë për të dalë më shpejt prej kësaj gjendjeje”, deklaroi Calhanoglu.
