Afati kalimtar i janarit të këtij viti ka qenë tepër i bujshëm me lëvizje të shumta të futbollistëve, por edhe me çmime të larta.
Rekord transferimesh ndërkombëtare të përfunduara në futbollin e meshkujve dhe femrave, ku totali është 4728 lojtarë të cilët janë transferuar.
Kjo është bërë e ditur nga FIFA pas një publikimi të një statistike, e cila tregon një rekord historik, me një shpenzim total prej 1.57 miliardë dollarë. Sipas raportit, gjithsej 4387 transferime u kryen vetëm për futbollin e meshkujve në janar e vitit 2023.
Edhe shpenzimet nga ky afat kalimtar kapën shifra tepër të larta, plot 1.57 miliardë dollarë, 230 milionë dollarë më shumë se rekordi i janarit të vitit 2018.