Nga Ministria e Punëve të Jashtme bëjnë të ditur se 9 persona nga Maqedonia e Veriut janë prekur nga tërmeti në Turqi, shkruan TV21. Nga MPJ bëjnë të ditur se nga 8 nxënës dhe mësuesi i tyre, dy nxënës kanë marrë lëndime, por që janë jashtë rrezikut për jetë.
“Përfaqësuesit tanë kanë siguruar informacione dhe kanë kontaktuar nëntë nga qytetarët tanë që ndodhen në rajonin e prekur. Bëhet fjalë për tetë studentë dhe mentorin/mësuesin e tyre, të cilët po qëndrojnë në Republikën e Turqisë përmes programit “Erasmus Plus”. Si pasojë e tërmetit dy nga nxënësit kanë pësuar lëndime fizike: një nxënës ka lëndime më të rënda – frakturë për çka aktualisht po punon personeli mjekësor dhe është në fazën e riparimit – ndërsa nxënësi i dytë ka lëndime të lehta. Asnjë nga studentët dhe Mentori nuk janë në rrezik”, thonë nga MPJ.
