AKTUALE

Blerim Bexheti para OSBE-së: Të drejtat e shqiptarëve janë detyrim kushtetues, jo privilegj!

Deputeti i Bashkimit Demokratik për Integrim (BDI), Blerim Bexheti, ka zhvilluar sot një takim pune me Christophe Kamp, Komisionerin e Lartë të OSBE-së për Pakicat Kombëtare, në cilësinë e anëtarit të Komitetit për Marrëdhënie Ndërmjet Bashkësive.

Gjatë takimit, Bexheti ka ngritur një sërë çështjesh që, sipas tij, paraqesin shqetësim serioz për pozitën dhe të drejtat e shqiptarëve në vend. Në fokus të diskutimit ishin mosfunksionimi i Komitetit për Marrëdhënie Ndërmjet Bashkësive, përkeqësimi i marrëdhënieve ndëretnike, çështja e gjuhës shqipe, Balancuesi, përfaqësimi i drejtë dhe adekuat, si dhe vendimet e Gjykatës Kushtetuese që, sipas vlerësimit të tij, cenojnë të drejtat e shqiptarëve.

Bexheti theksoi se majorizimi dhe keqpërdorimi i institucioneve rrezikojnë drejtpërdrejt frymën dhe parimet e Marrëveshjes së Ohrit, e cila përbën një nga themelet e paqes, demokracisë dhe bashkëjetesës në vend.

Ai nënvizoi se respektimi i të drejtave të shqiptarëve nuk duhet të trajtohet si çështje e vullnetit politik apo si privilegj, por si detyrim që buron nga Kushtetuta dhe ligjet e vendit.

“Të drejtat e shqiptarëve nuk janë privilegj, por detyrim kushtetues dhe ligjor!”, ishte mesazhi i Blerim Bexhetit pas takimit.

Banner

Related posts

Pasaporta e Maqedonisë së Veriut në vendin e 42-të, shtetasit e RMV-së pa viza mund të udhëtojnë në 129 vende

Gjyla Halili

Është djegur lokali “Light Club” në qendër të Shkupit

admin

Zhvillimi rajonal në fokus të Qeverisë, Grubi: Komunat të aplikojnë me projekte në Byronë për Zhvillim Rajonal

admin