Kandidati i Aleancës Kombëtare për Integrim për Komunën e Tetovës, Bajram Rexhepi, ka zhvilluar sot një vizitë në shtabin zgjedhor të fshatit Xhermë, ku është pritur me entuziazëm nga banorët dhe aktivistët lokalë.
Gjatë takimit, Bajram Rexhepi falënderoi qytetarët e Xhermës për mbështetjen e vazhdueshme dhe theksoi rolin e tyre historik në çdo proces politik.
“Xherma ka qenë gjithmonë zemra dhe bastioni i forcës sonë politike. Kjo mbështetje është garanci e fuqishme për fitoren tonë më 19 tetor. Ne do të punojmë me përkushtim për një Tetovë më të zhvilluar dhe për një qeverisje që u shërben të gjithë qytetarëve,” – deklaroi Bajram Rexhepi.
Banorët e fshatit Xhermë shprehën mbështetjen e tyre për kandidatin e Aleancës Kombëtare për Integrim, duke theksuar nevojën për ndryshime pozitive dhe zhvillim të qëndrueshëm në komunë.
Vizita në Xhermë është pjesë e takimeve të Bajram Rexhepit me qytetarët në të gjitha vendbanimet e Komunës së Tetovës, në kuadër të fushatës zgjedhore për zgjedhjet lokale të 19 tetorit 2025.
