“Lekët vinin me çanta që nga viti 2021”, Prokuroria ngre tre akuza për Alda Klosin, ish zyrtarja e Kryeministrisë do të ballafaqohet me pastruesen pas dëshmisë “bombë”
Rozeta Dobi këmbëgul që paratë e gjetura në tubin e aspirimit të banesës së saj janë të Alda Klosit.
Sanitarja, e arrestuar në fillim te këtij viti për vjedhje vijon të ketë të njëjtat pretendime për shumën prej rreth 500 mijë eurove të gjetura në banesë ne saj.
Burime bëjnë me dije, se në deklarimet e fundit të marra prej sanitares, të hënën e 6 shkurtit, në ambientet e Komisariatit Nr. 3, Rozeta Dobi ka pretenduar njësoj si të premten e kaluar, duke ditë kur pas rrëfimit të saj në Drejtorinë Vendore të Policisë së Tiranës, Alda Klosi u vendos në pranga.
Burime nga Prokuroria e Tiranës, bëjnë me dije se pas arrestimit të Alda Klosit dhe dëshmive të Rozeta Dobit, po kryhen verifikime edhe rreth origjinës së parave dhe mëyrës se si janë siguruar.
Akuza është duke verifikuar fjalët e sanitarës, ku sipas burimeve mësohet se janë marrë edhe të dhëna e deklarime shtesë që po verifikohen nga prokuroria.
Ndërkohë, po ndiqen disa pista, ku nuk përjashtohet mundësia edhe e implikimit të personave të tjerë, rrethana për të cilat hetuesit nuk kanë ende prova të mjaftueshme për të arritur në konkluzione.