Gazetari i njohur, Blendi Fevziu, ka denoncuar publikisht një mashtrim që po ndodh duke përdorur emrin e tij.
Fevziu ka ndarë në “Instagram” mesazhin që ka marrë nga një ndjekëse. Ajo shkruante se si kishte dëshirë ta takonte por nga emri i gazetarit u kërkuan 5 mijë euro.
Lidhur me këtë Blendi Fevziu tha se ky mashtrim po bëhet nga profile të rrejshme.
“Ky është mesazhi i tretë që marr nga persona të ndryshëm, të cilëve iu shkruajnë me emër tim nga profile fallco. Pothuajse të gjithë kërkojnë lek si në mesazhin e bashkengjitur”, tha ai.
