Shkruan: Nafie Selmani, aktiviste
Unë nuk jam aktiviste e asnjë partie dhe bile mund të përmend edhe përvoja jo shumë të mira me partitë me të cilat kam pasur relacione. Megjithatë, kjo nuk është arsye që ta ndryshoj qëndrimin tim opozitar kundrejt BDI-së.
Unë e mbështes koalicionin VLEN jo për shkak të ndonjë partie e politikani që është aty, por vetëm për shkak se kjo është opozita e bashkuar kundër BDI-së. Më mjafton vetëm kaq.
Prandaj, dua t’u bëj ftesë të gjthë atyre aktivistëve dhe votuesve të Aleancës për Shqiptarët të Ziadin Selës se, njësoj si unë, nuk kanë asnjë detyrim ndaj asnjë politikani që ata ta votojnë BDI-në.
Ata janë më shumë se dy dekada votues opozitarë dhe nuk ka asnjë hatër që do të mund t’ua ndërronte mendjen për ta votuar tash BDI-në.
Ziadini e Krenari mund t’i kenë matematikat e tyre, por votuesi i ASH-së është historikisht votues anti-BDI dhe ai, si asnjëherë më parë, tash e ka rastin ta dërgojë BDI-në në opozitë.
Ne opozitarët kështu mendojmë. Dhe, ne 6 herë mendojmë e një herë votojmë.
