Zëvendësministrja e Transportit dhe Lidhjeve, Kaltrina Zekolli Shaqiri, mori pjesë në përurimin e një segmenti të rëndësishëm të Korridorit 10, rrugës ekspres Gradsko-Drenovo, një projekt strategjik për zhvillimin infrastrukturor të vendit. Ky segment lidh qytetet kryesore me kryeqytetin dhe përmirëson ndjeshëm lidhjet ndërkombëtare me shtetet fqinje.
Zekolli Shaqiri theksoi se ky projekt ka një ndikim të drejtpërdrejtë në rritjen e mundësive për tregti, turizëm dhe zhvillim ekonomik, duke kontribuar në forcimin e bashkëpunimit rajonal dhe pozicionin e vendit në rrjetin europian të transporteve. Me realizimin e këtij segmenti, vendi po hap një kapitull të ri në avancimin e infrastrukturës dhe në forcimin e lidhjeve ndërkombëtare.
