Reisul Ulema i Bashkësisë Fetare Islame, H. Hfz. Shaqir ef. Fetai, mori pjesë në ceremoninë shtetërore të organizuar me rastin e shënimit të 2 Gushtit – Ditës së Republikës, e cila u mbajt me ftesë të Presidentes së Republikës së Maqedonisë së Veriut, Gordana Siljanovska-Davkova.
Pjesëmarrja e Reisul Ulemasë në këtë ceremoni shtetërore dëshmon përkushtimin e Bashkësisë Fetare Islame ndaj bashkëjetesës, respektit institucional dhe ndërtimit të marrëdhënieve të mira ndërmjet bashkësive fetare dhe institucioneve të shtetit, në funksion të paqes, mirëkuptimit dhe të mirës së përbashkët, njiherit presidentes i uroi 2 Gushtin Ditën e Republikës.
Në këtë aktivitet morën pjesë përfaqësues të lartë të institucioneve shtetërore, të korit diplomatik, të bashkësive fetare dhe të jetës publike të vendit.
