Vllado Jovanovski nëpërmjet emisionit “Edhe unë jam këtu” që transmetohet çdo të shtunë në ora 19:00 në TV21 kërkoi ndihmën e njerëzve human për ta ndihmuar që t’i kthehet jetës normale.
Pas apelit të 40-vjeçarit Vllado Jovanovski nga Shkupi, i cili po përballet me sfida të rënda jetësore, pas sulmit nga qentë endacak në vitin 2022 dëmtuan shëndetin e tij dhe tani ai ka nevojë për një operacion që të mund të lëvizë të paktën me ndihmën e patericave. E pasditën e së dielës, Vlladon në shtëpinë e tij e ka vizituar ministri i Shëndetësisë, Arben Taravari. Ministri Taravari premtoi mbështetje dhe organizimin e operacionit për Vlladon.
