Një tjetër emër në merkaton e Dinamos është ai i qendërmbrojtësit Zhozelin Behiratçe.
Kontrata e tij me Tiranën ka përfunduar dhe lojtari nga Bregu i Fildishtë duket se ka në plan të ndërrojë ambient, por dëshirën e madhe e ka për të luajtur në një kampionat jashtë Shqipërisë.
Nëse kjo dëshirë nuk realizohet dhe ai qëndron në Superiore, atëherë shanset më të mëdha për ta pasur këtë lojtar i ka Dinamo.
Dhe në këtë rast nuk është vetëm çështje lekësh. Miqësia që ortaku i bluve, Kristjan Gjidodaj, ka me agjentin e lojtarit afrikan, luan rol vendimtar në këtë histori.
“Panorama Sport” mëson madje se garës për Behiratçen i është shtuar ditët e fundit edhe Partizani. Afrikani është në moshë të re dhe tashmë e njeh shumë mirë futbollin shqiptar, ndaj dhe te Dinamo janë të gatshëm për të firmosur me të.
/BotaSot/
