Lum ne, lum gjeneratat që vijnë, lum shokët dhe bashkëveprimtarët tanë, në Shqipëri, Kosovë, Kosovën Lindore e Iliridë! Lum mbarë populli shqiptar që pati fatin të ketë një njeri me shumë emra në ilegalitet, por me një emër të vetëm në zemrën e Nënës Humë – Ali Ahmetin.Veteranët nuk janë thjesht ata që qëndrojnë prapa. Në luftë, ata janë forca që kontrollon me përpikëri çdo pëllëmbë toke, siguron terrenin dhe garanton që rruga përpara të jetë e pastër.
Edhe në politikë, veteranët mbeten busulla orientuese.Ata janë përvoja, kujtesa dhe garancia e vazhdimësisë. Ata shohin çatinë e shtëpisë së madhe, të ndërtuar me BDI-në, e cila sot vazhdon të forcohet dhe të mbulohet nga vetë BDI-ja, tashmë me energjinë, dijen dhe veprimin e gjeneratës së re.Ne, brezi më i vjetër, e përkrahim dhe e fuqizojmë këtë brez, duke i besuar drejtimin dhe përgjegjësinë për të ardhmen.
Me krenari i përgëzojmë, u urojmë shëndet, sukses dhe mbarësi, me dëshirën që çdo arritje e tyre ta gëzojmë së bashku.Ne do të jemi gjithmonë ata që do t’ju mbrojmë shpinën, ndërsa ju do ta nderoni sakrificën, mundin dhe veprën e të gjitha gjeneratave. Së bashku, me në krye Ali Ahmetin e papërkulur, do të vazhdojmë rrugëtimin tonë me besim, unitet dhe përgjegjësi.
Urime, shëndet dhe suksese!
Luan Veliu
Gostivar, 18.07.2026
