Në takimin me banorët e Treboshit, kandidati për kryetar të Komunës së Zhelinës, Emir Sulejmani, tha se qytetarët janë të lodhur nga premtimet boshe dhe politikat e inskenuara të pushtetit aktual.
“Kafeja e mbrëmshme në Trebosh tregoi një të vërtetë të hidhur: banorët nuk duan më teatro politikë e foto të inskenuara, por kushte reale, shpresë dhe mbi të gjitha ujë. Me miliona euro borxh mbi supe të komunës, ata ende guxojnë të flasin për ‘suksese’. Koha e tyre po mbaron, koha e qytetarëve po vjen,” u shpreh Sulejmani.