Doktor Rezeart Dalipi, specialist i ortopedisë dhe subspecialist në traumatologji, njëkohësisht kandidat për PhD, ka marrë pjesë në Kongresin e 38-të Vjetor të European Musculo-Skeletal Oncology Society, i mbajtur në Lisbonë, Portugali.
Ky kongres përbën një nga ngjarjet më të rëndësishme shkencore në fushën e onkologjisë muskulo-skeletore, duke mbledhur ekspertë dhe profesionistë të njohur nga e gjithë bota. Gjatë pjesëmarrjes së tij, Dr. Dalipi ndoqi prezantime të avancuara, u njoh me risitë më të fundit në diagnostikë dhe trajtim, si dhe shkëmbeu përvoja me kolegë ndërkombëtarë.
Pjesëmarrja në këtë aktivitet përfaqëson një hap të rëndësishëm në avancimin profesional të tij dhe në përmirësimin e vazhdueshëm të shërbimeve shëndetësore që u ofrohen pacientëve.
Mirënjohës për këtë përvojë të vlefshme, Dr. Dalipi mbetet i përkushtuar për të aplikuar njohuritë e përfituara në praktikën e përditshme klinike./Tv gurra
