Deputeti i Partisë Demokratike të Kosovës, Enver Hoxhaj, ka shprehur mbështetje për studentët shqiptarë në Maqedonisë së Veriut dhe kërkesën e tyre për përdorimin e gjuhës shqipe në procesin e provimit të jurisprudencës.
Përmes një reagimi publik, Hoxhaj theksoi se shqiptarët në Maqedoninë e Veriut janë faktor shtetformues dhe se të drejtat e tyre gjuhësore nuk duhet të vihen në diskutim.
“Në mbështetje të studentëve shqiptarë në Maqedoninë e Veriut dhe të drejtës së tyre për gjuhën shqipe. Shqiptarët në Maqedoninë e Veriut janë faktor shtetformues dhe zëri i studentëve duhet të dëgjohet, ndërsa e drejta në përdorimin e gjuhës shqipe të jetësohet”, thuhet në reagimin e tij.
Hoxhaj vlerësoi se mbrojtja e gjuhës amtare është pjesë e respektimit të të drejtave themelore dhe standardeve demokratike, duke kërkuar që institucionet të dëgjojnë kërkesat e studentëve shqiptarë.
Ja postimi plotë:
Në mbështetje të studentëve shqiptarë në Maqedoninë e Veriut dhe të drejtës së tyre për gjuhën shqipe. Shqiptarët në Maqedoninë e Veriut janë faktor shtetformues dhe zëri i studentëve duhet të dëgjohet, ndërsa e drejta në përdorimin e gjuhës shqipe të jetësohet!