Kuvendi Zgjedhor i Degës së Petrovecit u zhvillua në një atmosferë entuziazmi, uniteti dhe mobilizimi, duke konfirmuar përkushtimin e strukturave partiake për sfidat dhe angazhimet e ardhshme.Kryetari i BDI-së, Ali Ahmeti, vlerësoi procesin zgjedhor dhe organizimin e degës, duke theksuar se energjia dhe përkushtimi i anëtarësisë janë garanci për suksese të reja. Ai uroi kryetarin e zgjedhur të degës, Tahir Livoreka, si dhe strukturat e reja drejtuese, duke shprehur besimin se ata do të punojnë me përgjegjësi dhe përkushtim në shërbim të qytetarëve.Sipas Ahmetit, Dega e Petrovecit mbetet një nga shembujt e organizimit të mirëfilltë dhe e angazhimit të vazhdueshëm në terren, ndërsa theksoi se vetëm përmes unitetit dhe punës së përbashkët mund të arrihen objektivat e përcaktuara.Në fund, ai uroi të gjithë të zgjedhurit për detyrat e reja dhe u dëshiroi suksese në rrugëtimin e tyre politik.Ja postimi plotë:Dita e mirë shihet që në mëngjes!Kuvendi Zgjedhor i Degës së Petrovecit solli energji të re, unitet dhe përkushtim për përballjet që na presin. Kryetari i degës, z. Tahir Livoreka, së bashku me strukturat partiake të zgjedhura sot, premtojnë që që nga dita e parë se sukseset nuk do të mungojnë.Me punë, përgjegjësi dhe angazhim të përbashkët, dega e Petrovecit do të vazhdojë të jetë një shembull i organizimit dhe i rezultateve konkrete në shërbim të qytetarëve.Urime të zgjedhurve dhe suksese në rrugëtimin e ri politik!
